بشمکوژن سه‌روپێ ناخۆم

بۆلێویشم ڕه‌نگی په‌مه‌یی به‌کارده‌هێنم

سازدانی دیمانه‌ :  زانا گه‌ڵاڵی- نه‌روێژ

وه‌ک خۆی ده‌ڵێت ( زۆر گرنگی به‌ بواری هونه‌ری ده‌داو له‌به‌رنامه‌شیدایه‌ وه‌ک گۆرانیبێژێک ده‌ربکه‌وێت ) .

ده‌رباره‌ی ئه‌وه‌شی که‌ ده‌نوسێت و بابه‌ته‌کانی به‌ زمانی هۆڵه‌ندی بڵاوده‌کاته‌وه‌و ئایا به‌نیاز نییه‌ به‌زمانی کوردیش بنووسێ ؟ ده‌ڵێت ( به‌ڵێ به‌نیازم ، له‌به‌ر ئه‌وه‌ی هه‌ستده‌که‌م که‌ به‌هره‌م هه‌یه‌بۆ نووسین حه‌یفه‌ به‌فیڕۆ بچێت، کاتێک که‌که‌سێک به‌هره‌یه‌کی هه‌بوو بۆ بوارێک پێویسته‌ هه‌وڵی بۆ بدات، نه‌ک هه‌ر بۆ ئه‌و که‌سه‌خۆی به‌سووده‌، به‌ڵکوو بۆ پێشکه‌وتن و سه‌رکه‌وتنی میلله‌ته‌که‌شمان به‌که‌ڵکه‌ ) .

زاگرۆس جه‌بار، له‌ساڵی ( 1988 ) له‌شاری سلێمانی له‌دایکبووه‌و له‌ساڵی ( 1999 )ه‌وه‌ له‌وڵاتی هۆڵه‌ندا نیشته‌جێیه‌، ئێستا خوێندکاری به‌شی ئارایشته‌ له‌خوێندنگه‌ی ( zadkine )....

له‌هه‌مانکاتدا پێشکه‌شکاری به‌رنامه‌ی ( چرامیوزیک )ه‌ له‌ماڵپه‌ڕی چرا تیڤی و به‌مه‌ش به‌یه‌که‌م که‌س داده‌نرێت که‌له‌پێگه‌یه‌کی ئه‌لیکترۆنیدا کاری پێشکه‌شکاری به‌رنامه‌ی کردبێت . زاگرۆس سه‌باره‌ت به‌و به‌رنامه‌یه‌ش باوه‌ڕی وایه‌ به‌رده‌وام بێت، چونکه‌ ئاره‌زویه‌کی خۆی بووه‌ که‌ڕۆژێک له‌ ڕۆژان کارێکی وا بکات . ده‌شڵێت ( هه‌تا بتوانم به‌ هه‌موو توانای خۆم هه‌وڵده‌ده‌م له‌ کاری پێشکه‌شکاریدا سه‌رکه‌وتووبم و بینه‌ر ڕازی بکه‌م ). له‌ درێژه‌ی گفتوگۆکه‌شمانداو ده‌رباره‌ی ئه‌وه‌ی له‌ جلوبه‌رگدا لاسایی کێده‌کاته‌وه‌و چ جۆره‌ جلوبه‌رگێکی لاجوانه‌ ؟ زاگرۆس وتی : هه‌وڵده‌ده‌م لاسایی که‌س نه‌که‌مه‌وه‌ له‌به‌رئه‌وه‌ی ئه‌وه‌م لاجوانتره‌ هه‌رکه‌سه‌و شێوازی خۆی هه‌بێت بۆ جل له‌به‌رکردن ، کراسم زۆر پێجوانه‌ .

ڕقت له‌ چییه‌و چی دڵه‌نگت ده‌کات ! ئه‌ی تاچه‌ند زاگرۆس خان بڕوای به‌ خۆشه‌ویستییه‌ "

- کاتێک که‌سێک درۆم له‌گه‌ڵ بکات زۆرم پێناخۆشه‌ .. به‌وشه‌ش ناتوانم بڵێم تاچه‌ند بڕوام به‌خۆشه‌ویستی هه‌یه‌ ، به‌ڵام بڕوام پێی هه‌یه‌ .

-  ئایا پێت وایه‌ خۆشه‌ویستی له‌ نێوان کوڕان و کچانی کورد جیاوازه‌ له‌گه‌ڵ هی هۆڵه‌ندی ؟

-  به‌ڵێ ئه‌ویش ده‌گه‌ڕێته‌وه‌ بۆ که‌سه‌که‌ خۆی، به‌چ شێوه‌یه‌ک خۆشه‌ویستی ده‌کات .

- ده‌رباره‌ی  خه‌ونه‌کانیشی زاگرۆس ده‌ڵێت ( خه‌ونم زۆڕه‌ وپێویستی به‌هه‌وڵدانێکی پتر هه‌یه‌و ڕێگه‌یه‌کی درێژم له‌ پێشه‌ تابگه‌مه‌ ئه‌و قۆناغه‌ی که‌مه‌به‌ستمه‌ به‌ڵام ئاواتی سه‌ره‌کیم ئه‌وه‌یه‌ که‌ ببم به‌هونه‌رمه‌ندێکی سه‌رکه‌وتوو له‌ بواره‌کانی گۆرانی و نواندندا ).

- تاچه‌نگ گرنگی به‌ماکیاژده‌ده‌یت و چ خۆره‌ڕه‌نگێک زۆرتر به‌کاردێنی !

-  بۆ به‌رنامه‌و ئاهه‌نگ زۆرتر گرنگی به‌ مه‌کیاژده‌ده‌م، زیاتر بۆ چاوم ڕه‌نگی ڕه‌ش به‌کاردێنم  بۆ لێویشم ڕه‌نگی په‌مه‌یی زۆر به‌کار ده‌هێنم.

ده‌رباره‌ی ئه‌وه‌ی ده‌ڵێت ( زاگرۆس کچێکی به‌نازه‌و ئایا ئه‌وه‌ کاریگه‌ری نه‌کردۆته‌سه‌ر کاروباری ناوماڵ!و هه‌روه‌ها ئاره‌زووی چ خواردنێک ده‌کات!   هه‌موو کچێک به‌نازه‌و ناز ده‌کات و ئه‌وه‌ شتێکی ئاساییه‌، به‌ڵام له‌کارو باری ناوماڵدا هه‌تا بتوانم یارمه‌تی دایکم ده‌ده‌م و زۆرم حه‌ز له‌ بریانی و یاپراخه‌ شیرینیش زۆر ده‌خۆم، به‌ڵام بشم کوژن سه‌روپێ ناخۆم.

له‌دواجاریشدا زاگرۆس ده‌رباره‌ی ئه‌وه‌ی چۆن کات به‌سه‌رده‌بات وتی : جگه‌له‌خوێندنگه‌ ، وه‌رزش ده‌که‌م و  هه‌فته‌ی دووسێجار ڕاده‌که‌م، مه‌له‌شم پێخۆشه‌ زۆرکاتیش له‌گه‌ڵ هاورێیانم ده‌چین بۆ بازاڕ.