ئه‌گه‌ ئێوه‌ گوێبیستی قاق به‌ قاقی که‌وه‌کانی هه‌ورامان و بناری هه‌ڵه‌بجه‌ نه‌بوون؟ ژیانتان به‌فیڕۆمه‌ده‌ن هه‌وڵ بده‌ن کوێ بگرن له‌ قاسپه‌ی که‌وه‌کانی بناری هه‌ڵه‌بجه و هه‌ورامان!! کورد و که‌و و که‌لتوور سێ ئامرازی پێکه‌وه‌ گرێدراون، ئامرا‌زه‌کانی تریش زۆرن ببوورن که‌ناتوانم باسیان بکه‌م، سه‌رتان نه‌یه‌شێنم له‌ بردۆزی هه‌نده‌سه‌دا زاراوه‌یه‌ک هه‌یه‌ ده‌ڵێت [ گریمان!! ] ، با منیش بڵێم گریمان من و تۆ ئه‌گه‌ر هاوڕه‌گه‌زی خۆم بیت یان ره‌گه‌زه‌که‌ی تر؟ پێکه‌وه‌ سه‌ردانێکی بناره‌کانی هه‌ڵه‌بجه‌ بکه‌ین له‌به‌ره‌به‌یانێکی پایزی ئه‌م وه‌رزه‌دا پاش مه‌لابانگدان گوێ بگرین له‌ قاسپه‌ی که‌وه‌کانی بناری هه‌ڵه‌بجه‌، من هیچ به‌ تۆ ناڵێم، هه‌ر خۆت ده‌ڵێیت[ هه‌ورامی وته‌نی ] ، کوڕی کانی عاشقان ده‌خودایه‌ به‌ هه‌ردوو پێت له‌ناو یه‌ک تاک کڵاشدا بچیته‌ به‌هه‌شت، ئه‌و کاته‌ من لای تۆ خوێنشیرین تر ئه‌بم، بۆ؟؟ نازانی بۆ؟؟ نه‌فه‌سی جگه‌ره‌یه‌ک به‌سه‌ یان ئه‌گه‌ر جگه‌ره‌نه‌کێش نیت؟ ته‌نها هه‌ڵمژینی هه‌وایه‌ک و گوێبیستی قاسپه‌ی که‌وه‌کانی بناری هه‌ڵه‌بجه‌ به‌سه‌ بۆ دڵخۆشیت و بۆ بره‌ودان به‌ ژیانت، ئه‌م باسه‌ زۆری ده‌وێت، به‌م دوای یه‌دا هونه‌رمه‌ندی ده‌نگ خۆش کاکه‌ مه‌ریوان سه‌فادین دوو ڤیدیۆ کلیپی نوێ ی تۆمار کرد بۆ که‌ناڵه‌ ته‌له‌فزیۆنه‌ کوردی یه‌کان چ له‌ ناوخۆی کوردستان یان که‌ناڵه‌ ئاسمانی یه‌کان، ڤیدیۆ کلیپی یه‌که‌م به‌ ناوی [ له‌کۆڵانی ته‌نگه‌ر به‌ر ] ئاواز و هۆنراوه‌ی فۆلکلۆری هه‌ڵه‌بجه‌ و ئاماده‌کردنی مۆسیقا هونه‌رمه‌ند [ زانا مه‌حمود هه‌ژار ] ه‌ ، به‌ده‌نگی کاکه‌ مه‌ریوان گوێبیست و بینینی ئه‌م میلۆدی یه‌ ئه‌بین، دووهه‌م ڤیدیۆ کلیپی به‌ ناوی [ ئای له‌ من ] ئاوازی فۆلکلۆر و هۆنراوه‌ی [ به‌ختیار ساڵح ] و ئاماده‌کردنی مۆسیقای هونه‌رمه‌ندان  [ توانا فه‌ره‌ج و ئارا ئه‌حمه‌د ] ، ئه‌وه‌ی جێگای باس بێت ئه‌وه‌یه‌ ئه‌م دوو ڤیدیۆ کلیپه‌ به‌هاوکاری کۆمه‌ڵه‌ی هونه‌ره‌جوانه‌کان له‌ شاری یۆتۆبۆی وڵاتی سویده‌ و  ڕاهێنان و سه‌رپه‌رشتیاری گشتی هونه‌رمه‌ندی ده‌رهێنه‌ر و شانۆکار [ دڵشاد ئه‌حمه‌د ] ه‌، ئه‌م گروپه‌ پێک هاتوون له‌ [ 30 هه‌تا 35 ] کیژۆڵه‌ی کوردستانی گه‌وره‌ی هه‌ر چوار پارچه‌که‌، ئه‌م ناسکۆڵانه‌ و کیژۆڵانه‌ هه‌روه‌کو که‌وه‌کانی بناری هه‌ڵه‌بجه‌ به‌ جم و جۆڵی له‌ش و لاریان سیمای ڕه‌نگ و نه‌غمه‌کانی قاسپه‌ی که‌وه‌کانی  بناری هه‌ڵه‌بجه‌مان پێده‌به‌خشن، ، من زیاتر له‌سه‌ری ناڕۆم فه‌رموون له‌ئاینده‌دا خۆتان مه‌ریوان سه‌فادین و قاسپه‌ی که‌وه‌کانی بناری هه‌ڵه‌بجه‌ ببینن، ماوه‌ته‌وه‌ پێتان بڵێم، دیمه‌نه‌کانی ئه‌م دوو ڤیدیۆ کلیپانه‌ له‌ شاری یۆتۆبۆری وڵاتی سوید به‌ کامێرای بچوکتان [ کوڕی کانی عاشقان] گیراوه‌، تکایه‌ چاوه‌ڕێ ی قاسپه‌ی که‌وه‌کان و هونه‌رمه‌ند مه‌ریوان بن، له‌ کۆتایدا هیوای سه‌رکه‌وتن بۆ گروپی هه‌ڵپه‌ڵپه‌ڕکێ ی کۆمه‌ڵه‌ی هونه‌ره‌جوانه‌کان و کاکه‌ مه‌ریوان سه‌فادین ئه‌خوازین، سوپاس بۆ گشت لایه‌کتان.

ئه‌م بابه‌ته‌ له‌ مالپه‌ری چراتڤ وه‌رگیراوا