ژووان

ئه‌و ئێواره‌ی ژووانمان هه‌بوو

چاوه‌ڕێت بووم

بۆ نه‌هاتی ؟

به‌دڵ ساردی گه‌ڕامه‌وه

زۆر تووڕه بووم

که‌نه‌هاتی

ته‌نها له‌وێ ئه‌وه‌ی دیتم

گوڵێکی جوان

به‌جێمابوو

ووتم ڕه‌نگه

تۆ هاتبی‌ و

بۆ ئه‌وه‌ی لێت تووڕه نه‌بم

ئه‌و گوڵه‌ت بۆ جێهێشتبم

ئه‌بێنم وا نازداره‌که‌م

ده‌مێکی خۆش

قاقا به من پێئه‌که‌نێ

پاشان ووتی :

ئازیزه‌که‌م

ئه‌و گوڵه‌ی تۆدیتت له‌وێ

خۆگوڵ نه‌بوو

ئه‌وه من بووم!

هه‌ی قه‌زات له گیانم که‌وێ .!!

    پێنج ماچ

           - 1-

 ئه رێ گوڵم له بیرت دێ

له زۆر شیرینی ماچێکتا

به زۆر لێت نه ئه بوومه وه

پرسیم گیانه هه ڵه نیمه ؟

بڵێم هه نگوینت خواردوه

ئه تۆش ووتت نا به و خوایه

لێووم هه روا شیرین بووه .!

      *******

        -2-

ئه ی جارێکیان له ماچێکا

تا پشووی ئیشمان ته واو بوو

ماچی ئێمه پشووی نه بوو

ئه زانی بۆ؟

چوونکه ئه و ڕۆژ له‌گه‌ڵ خۆمان

خواردنێکمان نه بردبوو.!

      *****

      -3-

ئه ی ئه و ماچه ی که جغاره‌که‌م

تاسه‌ر فلته‌ر بووبه سۆته‌ک

بۆپشوویه کی هه‌ناسه‌ش

لێوومان له یه‌کتری نه‌بوو

مناڵ ئاویان پێداکردین

ووتیان ئاگرتان تێبه‌‌ر بوو

ئێمه‌ش سوپاسمان لێکردن و

ووتمان مناڵان ببوورن

هیچ ئاگامان له‌خۆ نه‌بوو.!

       -4-

ئه ی ئه و ماچه ی که پێم ووتی

ئه من هه‌نگم

با لێوی تۆش گوڵ ئاسا بێ

که شیله ی لێوی تۆم مژی

هه ند شیرین بوو

له شیرینیان ناوومان لێنا

هه‌نگوینی ماچ .!

        -5-

ئه‌م ماچه‌مان وه‌ک ماچ نه‌بوو

له خۆشی و مزری ئه وماچه

له وێستگه یێ  بردینیه‌وه

زینده خه‌وێ

تا به‌ئاگا  هاتینه‌وه

شه‌مه‌نده‌فه‌ر به‌جێی هێشتین

هه موو  نه‌فه‌ری له ناوی

به ده ست... ماچی- براڤۆ-  یێکیان

بۆ هاویشتین.!

                                   دلشاد عه لی