به‌خێربێن به‌ڕێزان ماڵپه‌ڕی هیوا پێکهاته‌ی ڤیدیو کلیپ میوسیک فیلم پرۆگرام له‌خزمه‌ت به‌ڕێزتاندایه‌ سه‌ردان بکه‌ن رۆژانه‌ نوێ ده‌کرێته‌وه‌

 

داستانی شه‌رمه‌زاری

 

شه‌رمه‌زاربی ئه‌ی ئه‌و که‌سه‌ی

 وه‌ک خۆر هه‌ڵهاتی له‌ ژینم

 وه‌کو هه‌وری ڕه‌شی ناوه‌خت

قه‌تیس مای له‌ ئاسمانی دڵم

 

بوویته‌ باران و ڕه‌هێڵه‌

 تنۆک تنۆک باریت له‌ چاوانم

شادیت لێ کردم به‌ شین

 جارێ نه‌هاتی به‌لای گریانم

 

بویت به‌‌ ته‌رزه و زریانێ

 ژاکانت ڕوخساری شیعرم

وه‌ک بایه‌کی شوومی ناکات

وه‌راندت خونچه‌ی به‌هارم

 

 

به ‌نه‌فره‌ت بی بایه‌قوشی خه‌م

 هه‌ر بێ شوێن و سه‌ره‌ڕۆبی

به‌ر نزای ئه‌م دڵه‌م که‌وی

قه‌ت خۆشی له‌ خۆت نه‌بینی

 

شه‌رمی ویژدان بتگرێ

تا دڵت له‌ لێدان ئه‌که‌وێ

ببیت به‌‌ داستانی سه‌رشۆڕی

جیهان ده‌رست لێ وه‌رگرێ

 

فه‌رهاد داستانێک بوو

عیشقی شیرینی به‌ دونیا ناساند

به‌ڵام تۆی ناپاک و دوو ڕوو

ڕق و کینه‌ت له‌ باخی مندا ڕواند

ده‌ریا نامۆ

به‌ریتانیا