ئه‌گه‌ر شه‌وێك بۆتۆ نه‌گریم ،

هه‌ورى چاوم ئه‌گرمێنێ

ئه‌و شه‌وانه‌ش كه‌ئه‌گریم بۆت ،

ده‌ریاى ئه‌شك ئه‌مخنكێنێ .

بــڕوابــكه‌ بیـرت ئـه‌كـه‌م ،

خَـۆشـه‌ویـستـه‌ تـاقـانه‌كـه‌م

تـۆ هه‌تـاكـه‌ى نـایـه‌یتـه‌وه‌ ...

بـۆ نـاو مـاڵـه‌ وێرانـه‌كـه‌م ؟.

من ناتوانم خامۆشت كـه‌م ،

ئـــه‌ى چـــراخـــانــى ئـاواتــم

له‌و كاته‌وه‌ى تۆم لێ ونى ...

ڕه‌شپۆشێكى كش و ماتم !.

بگه‌رِێوه‌ باوه‌ك جاران ،

ژیان له‌لام گه‌ش و جوان بێ

به‌تۆى ئازیز بۆ رِه‌وایه‌ ...

كه‌من به‌شم هه‌ر سوتان بێ ؟.

*************

 وه‌سێتنامه

ئه‌گه‌ر مردم ...

چاوت بكه‌ به‌ ئارامگام ،

بمنێژه‌ تیاى بۆ ئه‌به‌دى

تا به‌بارانى فرمێسكت ...

لاشه‌م ئه‌ڕزێ هێدى هێدى !.

ئه‌گه‌ر مردم ...

ده‌ستى رِاستت ئاوه‌ڵاكه‌ ،

بۆمى بكه‌ به‌ لافیته‌

مه‌ترسه‌ له‌وه‌ى بچوك بێ ،

خۆ ناوى منیش پێنج پیته‌!.

ئه‌گه‌ر مردم ...

با دڵت پرسه‌خانه‌م بێ ،

بێده‌نگ پرسه‌م بۆ بگێڕى

ئه‌م شیعره‌ش وه‌سێتنامه‌مه‌ ...

له‌به‌ریكه‌ دێڕ به‌ دێڕى !.